БИШКЕК, 21-май — Sputnik. Колумбиянын Антиокия департаментинде болгон жер көчкүнүн натыйжасында курман болгондордун саны 83 адамга жеткенин РИА Новости Медельин шаарынын сот медицина кызматына таянуу менен билдирди.
Медиктер азырынча 54 каза болгондор ким экени таанылганын, бирок көчкү астында дагы кишилердин сөөгү бар болушу мүмкүндүгүн билдиришет. Жаңы көчкүлөр дагы болушу ыктымал деген бийлик шаршемби күнү калкты алдын ала башка аймактарга көчүргөн.
Каза болгондордун сөөгү качан жерге бериле турганы азырынча белгисиз, бирок Колумбиянын El Pais басылмасы билдиргендей, сөөктөр департаменттин борбору Медельинден мекенине жеткирилгенден кийин баары чогуу коюлат. Аталган шаарда азыр курман болгондордун аты-жөнүн так аныктоо үчүн зарыл изилдөөлөр жүрүп жатат.
