Футбол боюнча КРдин курамасы Пакистандын командасы менен формалдуу оюн ойношот

© Sputnik / Табылды КадырбековКыргызстандын футбол боюнча олимпиада тайпасы. Архив
Кыргызстандын футбол боюнча олимпиада тайпасы. Архив - Sputnik Кыргызстан
Жазылуу
Yandex newsTelegram
Буга чейин Кыргызстандын курамасы Иорданияга 4:0 эсебинде утулуп, Кувейт менен тең чыгышкан.

БИШКЕК, 20-май — Sputnik. Кыргызстандын футбол боюнча олимпиадалык курамасынын 2016-жылы боло турчу футбол боюнча Азия чемпионатынын тандоо турунан чыгууга шансы жок.

Буга чейин Кыргызстандын курамасы Иорданияга 4:0 эсебинде утулуп, Кувейт менен тең чыгышкан.

КР футболчулары Араб Эмирлигиндеги беттеште аза тасмасын тагынып чыкты
Шаршемби күнү, 19-майда Бишкек убактысы боюнча саат 23.15те Кыргызстандын курамасы Пакистандын курамасы менен формалдуу матч ойношот. Ушул эле күнү Кувейт менен Иорданиянын командалары "В" тобунун жеңүүчүсү болуу үчүн күч сынашат.

Кыргызстандын курамасы эки оюндун жыйынтыгы менен бир гана упай топтой алган, Пакистандыкы болсо нөл. "В" тобунун лидерлери Кувейт командасынын төрт упайы, Иорданиянын алты упайы бар.

Тандоо турундагы он топтун жеңүүчүлөрү жана экинчи орунду алган эң мыкты беш команда 2016-жылы январда Катарда боло турган Азия чемпионатынын финалдык айлампасына катышат. Өз кезегинде Азия чемпионаты азиялык курама командалардын Рио-де-Жанейро шаарында (Бразилия) өтчү Олимпиадалык оюндарга катышуусу үчүн квалификациялык мелдештер болуп эсептелет.

Кыргызстандын курама тобунун футбол боюнча дүйнө чемпионатына карай жолун Sputnik инфографикасында көрө аласыздар>>>

Жаңылыктар түрмөгү
0