БИШКЕК, 19-май — Sputnik. Вице-премьер-министр Дамира Ниязалиева бала өзүнүн көйгөйлөрү менен жалгыз калбашы керек деди.
Өкмөттүн өкүлү конференциянын жүрүшүндө балдарга жасаган зордук-зомбулуктарга көп басым жасады. Анын айтымында, мындай көрүнүш көп болуп жаткандыктан, ар бир мамлекеттик орган өз милдетин так билип жана аны так аткаруу үчүн секторлор аралык кызматташууну күчөтүү зарылдыгы турат.
"Бул жашы жете электер менен иш алып барган инспециянын кызматкерлерине, социалдык кызматкерлерге жана жергиликтүү өз алдынча башкаруу органдарына тиешелүү. Мындан сырткары, өлкөнүн бардык аймактарынан 38 мектептин ктаышуусунда иштеген "Зордук-зомбулуксуз мектептер" сынамык долбоорунун жыйынтыктарын колдонуш керек",— деди ал.
Ниязалиева, мындан сырткары, окуучулар арасында суицидди жана мектеп рэкетчилигин азайтуу үчүн стресске кабылткан жагдайларга туруштук берүүгө мектептер балдарды психологиялык жактанда даярдоого көп көңүл бурушу зкеректигин айтты.
"Балдардын өз өмүрүнө кол салган фактылардын саны кооптондурат. 2015-жылдын төрт айында эле жашы жете электер арасында суицид боюнча 42 факты катталган. Бул статистика катары саналган супсак сандардын артында кайгыги баткан ар бир үй-бүлөнүн трагедиясы турат", — деди Ниязалиева.
Вице-премьер балдарга көбүрөөк көңүл буруу зарылдыгын айтып, бала маселелери менен бетме-бет калганда, аны жалгыз чече албагандыктан, жогорудагыдай жагдайлар жаралып жатканын кошумчалады.
Ал мугалимдер үчүн мындай иш-чараларды өлкөнүн бардык аймактарында коомчулукту катыштыруу менен өткөрүү пландалып жаткандыгын билдирди.
