Sputnik грузин тилинде сүйлөй баштады Гамарджобат! — Саламатсыздарбы!

БИШКЕК, 14-май — Sputnik. Эл аралык Sputnik хабы Грузияда өз ишин баштады.

sputnik-georgia.ru дареги боюнча табууга боло турган жаңы ресурс эл аралык көйгөйлүү темалар боюнча ар кыл пикирлерди берүүгө багытталган.

Көп кырдуу дүйнөнү сүрөттөп берүү менен Sputnik сайттары түрдүү пикирлерди салыштырып кароого кызыккан аудиторияга эсептелген. Грузиядагы портал англис, француз, серб, португал, араб, хинди, поляк, италия, чех, вьетнам, япон, корея, фарси, урду, дари, пушту, курд, швед, норвеж, дания, немис, испан, кытай, түрк, кыргыз жана абхаз тилдеринде иштеп жаткан Sputnik маалымат ресурстарын толуктайт. 

sputnik-georgia.ru сайтына чыгарылуучу маалыматтардын сапаты анда иштөөчү журналисттердин кесипкөйлүгү жана мультимедиалык форматтардын пайдаланылышы менен аныкталат. Сайт инфографика, видео, фоторепортаж, интернет-добуш берүү сыяктуу көп түрдүү контенттерди сунуштайт. Шашылыш маалыматтардан сырткары, Sputnik аудиторияга аналитикалшык материалдарды, эксклюзивдүү маектерди, эксперттик бааларды сунуштайт.

Sputnik (sputniknews.com) — ондогон өлкөлөрдөгү мультимедиалык хабдарга ээ маалымат агенттиги жана радио. Sputnik өзүнө сайттары, аналогдук жана сан ариптик радио берүүлөрдү, уюлдук тиркемелери жана социалдык түйүндөрдө беттерди камтыйт. Жазылуучулар үчүн үчүн Sputnikтин жаңылыктык тасмалары күнү-түнү англис, араб, испан жана кытай тилдеринде чыгып турат.