БИШКЕК, 18-май — Sputnik. "Курманжан Датка" тарыхый эпопеясы Ак илбирс улуттук сыйлыгынын IV ирет өткөрүлүшүндө он номинацияны жеңип алды деп билдирди дүйшөмбү күнү аталган долбоордун менеджери Чолпон Идрисова.
Киносыйлыкты тапшыруу аземи Бишкектеги "Манас" кинотеатрында болду.
Ал эми "Мыкты документалдык фильм" номинациясына режиссер Аманбек Ажыматтын "Дене тарбия мугалими (Физрук), алтын жана дарыя" деп аталган эмгеги арзыды. "Мыкты кыска метраждуу тасма" Чолпонай Бөрүбаеванын "Топурак" тасмасына берилди. Ал эми "Борбор Азиянын" мыкты киносу катары казакстандык режиссер Адилхан Ержановдун "Кожоюн" тасмасы табылды.
Буга чейин эки ардактуу сыйлык аныкталып, өзбекстандык режиссер Али Хамраевге дүйнөлүк киного кошкон салымы үчүн жана кыргыз анимация тармагына негиз салгандыгы үчүн режиссер, художник Сагын Ишеновго берилди.
