Ниязалиева: кыргыз илиминде жалган окумуштуулардын пайда болушуна жол берилбейт

Жазылуу
Окумуштуу наамын актабаган илимий жетекчилер, эксперттер жана расмий оппоненттер жөнүндө маалыматтар топтоло турган "кара тизмени" түзүү боюнча иш жүрүп жатат.

БИШКЕК, 14-май — Sputnik. Вице-премьер-министр Дамира Ниязалиева кыргыз илиминде жалган окумуштуулардын пайда болушуна жол бербесе болот деп билдиргенин бейшемби күнү өкмөттүн маалымат кызматы кабарлады.

Бишкекте 13-май күнү Жогорку аттестациялык комиссияда коррупциялык схемаларды жоюу боюнча тийиштүү мамлекеттик органдардын жетекчилеринин жумушчу кеңешмеси Ниязалиеванын катышуусунда өттү. 

"Биздин милдет — акчанын жардамы же көчүрүп алуу жолдору менен илимий иштерди коргоону каалагандар болбошу үчүн диссертациялык комиссиялардын мүмкүн болушунча ачык-айкын иштешине жетишүү. Муну менен биз кыргыз илимине эч пайда алып келбей турган жалган окумуштуулардын пайда болушуна бөгөт коёбуз", — деди вице-премьер. 

Кыргызстандын желеги. Архив - Sputnik Кыргызстан
Эрматов Билим берүү министрилигине мамлекеттик тилди өнүктүрүү секторун ачууну сунуштады
Ал илим тармагында коррупциялык коркунуч туудуруучу 13 жагдай аныкталганын белгиледи. Коррупцияны жоюу максатында 33 иш-чара сунушталып, анын алкагында диссертациялык кеңештердүн мүчөлөрүнүн санын 13 адамга чейин кыскартуу каралган. Ошондой эле эки же андан көп негиздөөчү диссертациялык кеңештерди ачуусу, электрондук кезектерди уюштуруу, расмий оппоненттер менен диссертациялык кеңештердин эксперттеринин тизмесин түзүү каралган. 

"Окумуштуу наамын актабаган илимий жетекчилер, эксперттер жана расмий оппоненттер жөнүндө маалыматтар топтоло турган "кара тизмени" түзүү боюнча иш жүрүп жатат", — деди Ниязалиева. 

Диссертациялык комиссия мүчөлөрү үчүн аспиранттар менен докторанттар банкет уюштурушун да токтотуу боюнча иш жүрүп жатканын баса белгиледи вице-премьер.

Жаңылыктар түрмөгү
0