БИШКЕК, 14-май — Sputnik. Премьер-министр Темир Сариев ЕАЭБ алкагында ишке орноштуруу боюнча маалыматтык кампания өткөрүүнү эмгек, миграция жана жаштар министрлигине тапшырганын өкмөттүн маалымат кызматы билдирди.
Өкмөт башчысы тышкы иштер министри жана эмгек, миграция жана жаштар министри менен жолугуп, Россияда иштеп жүргөн мекендештердин абалы, ошондой эле КР жарандарын чет мамлекеттерде эмгекке орноштуруу маселеси талкууланды.
Расмий эмес маалыматтарга ылайык, Россияда бир миллиондой кыргызстандык эмгек миграциясында жүрөт. Алардын көпчүлүгү тейлөө жана курулуш тармагында иштейт.
