БИШКЕК, 13-май. — Sputnik. Апрелдин аягында Бишкек – Ош кан жолунда "Тойота-Витц" менен "Хонда–Фит" кагышып, экинчи унаа жүргүнчүлөрү менен Чычкан дарыясына түшүп кетип, бир аял киши каза болгон.
Куткаруучулар унааны суудан алып чыкканда ичинен бир аялдын сөөгү жана автоунаанын ээси Мэлис Үтүрекеевге тиешелүү документтер табылган.
Өзгөчө кырдаалдар министрлигинин маалымат кызматы автоунаанын ээси изделип, бирок натыйжа болбой жаткандыгын маалымдады.
"1976-жылы туулган Үтүрекеев сууга агып кеткен деген болжол менен издөө иштери жүргүзүлүүдө. 2015-жылдын 12-майында ӨКМдин өрт-куткаруу бөлүмүнөн 5 куткаруучу жана туугандарынан 5 адам издөө иштерин жүргүзүп, бирок табылган эмес", — деп билдирди.
ӨКМ Издөө иштери 2015-жылдын 13-майында, бүгүн да улантыларын кошумча маалымдады.
