БИШКЕК, 12-май — Sputnik. Бишкек – Ош жолунда катталган жол кырсыктан Тажикстандын төрт жараны жана Кыргызстандын бир жараны каза болгонун Өзгөчө кырдаалдар министрлиги билирди.
Дүйшөмбү күнү саат 13:35 чамасында Бишкек-Ош унаа жолунун 471-чакырымында (Кудук-Сай участкасы) жол кырсыгы катталып, "Ауди-100" (мам. № S50 75 О) үлгүсүндөгү автоунаа менен "Ауди С4" (мам. № Б 18 75 J) автоунаа сүзүшкөн. Жол кырсыгынын кесепетинен 5 адам каза болуп, 3 адам жабыркап, ооруканага жеткирилген. Каза болгондордун арасында буга чейин маалымдалгандай балдар жок.
"Ауди С4" автоунаасын Таш-Көмур шаарчасынын тургуну Кылычбек Суранкулов айдап бараткан. Айдоочу менен эки жүргүнчү – Назгүл Суранкулова (1984-ж.т) жана Өскөнбай Эламан уулу (2010-ж.т) Шамалды-Сай ооруканасына жеткирилген, учурда абалдары жакшы.
"Ауди-100" маркасындагы автоунаанын ичинде айдоочусу менен беш адам болгон. Бешөө тең окуя болгон жерде каза болгон.
Алар:
- Автоунаанын айдоочусу: Рахманбердиев Жоробай — Баткен облусуна караштуу Баткен районун Базар-Башы айылынын тургуну.
- Тарбалантова Бабихатик Абдирашидовна 1964-ж.т;
- Радзапова Санобар Мехимовна 1969-ж.т;
- Сафарова Саодат Мехимовна 1960-ж.т;
- Намазова Бибисора Мелибаевна 1964- ж.т Тажикстандын тургундары.
Каза болгон адамдардын сөөктөрү Таш-Көмүр шаардык өлүк сактоочу жайына жеткирилген.
