БИШКЕК, 11-май — Sputnik. Өлкөнүн инвестициялык абалы Бишкек шаарында 13-майда талкуулана турганын Жогорку Кеңештин маалымат кызматы билдирди.
Мекеме аралык жумушчу топ Кыргызстандын инвестициялык кодексин иштеп чыгуу боюнча маселени кароонун натыйжасында Жогорку Кеңештеги "Ата Мекен" фракциясынын чечими менен түзүлгөн. Анын курамына экономика, каржы, адилет министрликтеринин, салык жана бажы кызматтарынын, Мамкаржыкөзөмөлдүн жана КР Каржы министрлигинин алдындагы Инвестицияларды илгерилетүү боюнча агенттиктин өкүлдөрү кирген.
Кыргыз Республикасынын инвестициялык мыйзам жоболорун талдоо боюнча иштин алкагында инвестициялык мыйзам жоболорунун маселелерин мамлекеттик органдардын, адистердин жана ишкер чөйрөсүнүн, ошондой эле кеңири коомчулуктун катышуусунда талдоо боюнча тегерек столдорду өткөрүү каралган.
