БИШКЕК, 7-май — Sputnik. Россия Федерациясынын аскердик күчү Владимир Путин бийликте турган 15 жыл ичинде мурдагыдан кубаттуу болуп жана кансыз согуш мезгилинен бери эң мыкты жабдууларга жетишти деген британиялык Telegraph гезитинин билдирүүсүн кабарлайт РИА Новости.
Путин жогорку мамлекеттик бийликке 2000-жылы президент Борис Ельцин кызматынан кеткенде "милдетин аткаруучу" болуп келген. Ошол эле жылдын мартында Путин мамлекет башчылыгына шайланып, төрт жылдан кийин кайра шайланган. 2008-2012-жылдары ал өкмөттү жетектеп, 2012-жылдын матр айындагы президенттик шайлоодо кайра утушка ээ болуу менен 7-майда өз милдетин аткарууга киришкен. Инаугурация болгон күнү эле Путин "май айындагы жоболор" деп аталган социалдык кепилдиктерди өнүктүрүү боюнча кенен программага кол койгон.
"766 миң аскерди кызмат өтөөгө чакырууга мүмкүнчүлүгүнө ээ, дүйнөнүн бардык өлкөлөрүнүн ичинен эң көп сандагы танкы бар жана аскердик-аба күчтөрүнүн саны жагынан дүйнөдө үчүнчү орунда турган Россия мурдагы күчтүү мамлекетке мүнөздүү кубатты сактап турат", — деп белгилейт Telegraph.
Басылманын маалыматына ылайык, Россиянын 15398 танкы бар. Бул АКШныкынан эки эсе, Улуу Британияныкынан 37 эсе көп. Өз алдынча жүрүүчү артиллериялык куралдар орус аскеринде Американыкына салыштырганда үч эсе, Англияныкынан 67 эсе көп. Россиянын 3793 ок атуучу реактивдүү куралы АКШныкынан дээрлик үч эсе, Британияныкынан 90 эсе көп.
"Россия жалпы аскердик кубаттуулугу боюнча АКШдан жана технологиялар оюнча көпчүлүк батыш өлкөлөрүнөн дагы эле бир топ артта экенине карабай", 2008-жылдан бери өзүнүн коргонуу комплексттерин жаңылоого улам көп каражат жумшап жатат деген тыянак чыгарат гезит. 2009-жылы Россия өкмөтү аскердмк чыгымдарын үчтөн ирге көбөйтүп, дүйнөлүк каржы каатчылыгына карабай, бул көрсөткүч өсүп отурган.
Ошону менен бирге америкалык International business times жаңылыктар басылмасы да Путин бийликте турган мезгилде "аскерди бекемдеп, Кавказда кырдаалды жөндөштүрүп жана, ал тургай, улуттук экономиканын оор шарттарын жакшырта алды" деп белгилейт.
Стокгольмдогу дүйнө маселелерин изилдөө институтунун (SIPRI) статистикалык маалыматтарына ылайык, 2014-жылы коргонуу муктаждыктарына Россия үч триллион рублдан ашык каражат жумшаган. Бул ички дүң продукциянын 4,5%ын түзөт. Ал эми 2000-жылы путин бийлике турган биринчи жылы бул чыгымдар ИДПнын 3,6%ын түзгөн болчу.
