БИШКЕК, 4-май — Sputnik. Ленинград фронтунун 566-авиациялык полкунун учкуч-штрумалоочулары Улуу Ата Мекендик согуштун каармандары Ысмайылбек Таранчиев менен Алексей Ткачевдун эстелиги оңдоодон кийин Чүй өрөөнүндөгү Беш-Күңгөй айылында кайрадан салтанаттуу ачылды.
Россиянын Кыргызстанагы элчилигинин аскердик атташесинин жардамчысы Вячеслав Косов Улуу Ата Мекендик согуштун баатырларынын аты өчпөшү керектигин белгиледи.
"Бүгүн тарыхты бурмалап, фашизмди жеңүүдө совет элинин жасаган эмгегин төмөн түшүрүүгө жасаган аракеттер токтобой келет. Таранчиев менен Ткачевго эстелик ачуу өз ата-бабаларынын жаркын элесин өчүрбөй сактай турган болочок муундар үчүн үлгү болот", — деди Косов.
Кыргыз ССРинин Аламүдүн районуна караштуу Беш-Күңгөй айылынын тургуну Ысмайылбек Таранчиев жана алдар үйүнүн тарбиялауучусу, РФСРдин Смоленск областында туулган Алексей Ткачев — Ленинград фронутунун 566-авиациялык полкунун учкуч-штрумалоочулары — 1944-жылы 18-мартта немистердин огу тийген "Ил-2" учагын душмандын топтошуп турган танкаларына бурушкан. Жардыруунун натыйжасында, немистин алты танкы жана үч бензин ташыгычы жок кылынган.
Бул эрдиги үчүн 1991-жылы Таранчиевге Советтер Союзунун Баатыры наамы жана Ленин ордени ыйгарылган (өлгөндөн кийин). Ткачев бул эрдиги үчүн эч сыйлык алган эмес. Советтер Союзунун Баатыры кенже лейтенант Таранчиевдин туугандары тарыхый адилетсизикти эске алып, кенже сержант Алексей Ткачевго өлгөндөн кийин Россиянын Баатыры наамы берилишине аракеттерди көрүп жатышат.
