БИШКЕК, 18-апр. — Sputnik. Башталгыч кластта окуган кыргызстандыктардын жарымынан көбү төртүнчү класстан тарта жазганды жана окуганды начар өздөштүргөн деп билдирди КСДП фракциясынын лидери Чыныбай Турсунбеков.
Депутат бул көрсөткүч өлкөдөгү билим берүүнүн абалы төмөн экенин көрсөтүп турарын айтты.
"Айрым сурамжылоолорго караганда, Кыргызстандын мектептеринде 4-класстын балдары жакшы жазганды жана окуганды билишпейт экен. Бул КРдин билим берүү тармагында оорусу күчтүү экендигин, билим сапаты, мугалимдердин деңгээли начардыгын көрсөтүп турат", — деди Турсунбеков.
Фракция лидери абалды жакшыртуу үчүн мамлекет мугалимдерге тийиштүү деңгээлде шарт түзүп жана татыктуу айлык акы төлөп бериши керектигин айтты.
