Юрий Гагарин адамзаттын тарыхында космос мейкиндигине көтөрүлгөн биринчи адам болду. Ал жердин айланасындагы ааламда 108 мүнөт учуп жүрдү. "Восток" кемеси космостон аман-эсен кайтып, Саратов облусунда конгон. 1962-жылдын 12-апрелинде СССРдин Жогорку Советинин президиумунун жарлыгы менен бул күн – Космонавтика Күн деп жарыяланды.
Адамзаттын туңгуч ирет космоско көтөрүлүшү дүйнөдө абдан кызыгууну жаратып, ал эми Гагаринди ааламга таанытты. Ар кыл чакыруулар менен ал дүйнөнүн 30дан ашуун өлкөсүндө болду.
Гагарин акыркы жылдары коомдук-саясий иштерди жүргүзүп, Жуковский атындагы академияны бүтүп, Борбордук партиялык комитетте иштеди.
Юрий Алексеевич Гагарин 1934-жылы 9-мартта Гжат районундагы Клушино айылында туулган. Советтик учкуч-космонавт, Советтер Союзунун баатыры.
Гагарин 1968-жылы 27-мартта Владимир облусунун Новоселово айылына жакын аймакта авиакырсыктан курман болот. Бул учурда ал МиГ-15 УТИ үлгүсүндөгү учакта машыгуулардан өтүп жаткан. Кырсыктын себеби алигүнчө белгисиз бойдон калып келет.
