БИШКЕК, 11-апр. — Sputnik. Гранатометтун снаряддарын Кадамжай районунун Достук айылындагы Айдаркен чек ара отрядынын аскерлери таап алынгандыгын Мамлекеттик чек ара кызматынын маалымат кызматы билдирди.
Аталган ок-дарылар туурасында чек арачыларга Баткендин Достук айылынын жашоочулары айтып беришкен.
"Жергиликтүү эл көрсөткөн жерден аскерлер АГС-17 гранатометунун 30-калибрлүү "ВОГ-17" үлгүсүндөгү жети снарядын тапкан", — деп айтылат таратылган маалыматта.
Маалымат кызматы табылган снаряддардын укук коргоо кызматкерлерине өткөрүлүп берилгендигин кошумчалады.
