БИШКЕК, 10 апр — Sputnik. "Ар-Намыс" парламенттик фракциясы өз отурумунда Кумтөр маселесин жөнгө салуу үчүн өкмөткө бир айлык убакыт берүү жөнүндө көпчүлүк коалициясынын сунушун колдоо чечимин кабыл алды деп билдирет парламенттин маалымат кызматы.
Ошондуктан көпчүлүк коалициясы Centerra Gold Inc. менен "Кумтөр" долбоору боюнча экологиялык жана тоо кен-инженердик коопчулук маселелери чечиле турган келишимди жөнгө салуу үчүн өкмөткө 15-майга чейин мөөнөт берүүнү параментке кеңеш кылат.
Фракция лидери Феликс Кулов өкмөт 2015-жылдын 15- же 25-майына чейин аталган маселелерди чечүү боюнча Centerra Gold Inc. менен келишимдин макулдашылган долбоорун парламентке алып чыгышы керектигин белгиледи. Ошондой эле министрлер кабинети тоо-кен иштеринин жаңыланган планында берилген көрсөткүчтөрдүн жана бир унция алтындын өздүк наркы 100 АКШ долларына көтөрүлүшүнүн негиздүүлүгүн иликтеп чыгышы керек дейт ал.
"Өкмөт "Кыргызалтын" ААКнын компаинянын активиндеги 66,67 пайыз үлүшүн кайра калыбына келтирүү боюнча чараларды көрүшү керек", — деп баса көрсөткөн фракциянын лидери аталган милдеттер белгиленген мөөнөттө аткарылбаса, коалиция премьер-министрге ишенбестик жарыялоо маселесин демилгелей турганын кошумчалады.
Фракция мүчөсү Айнуру Алтыбаева каанадалык тарап менен сүйлөшүүлөрдү жүргүзгөн бардык комиссия мүчөлөрүн четтетүү сунушу менен чыкты. "Алар башында бирди айтып, эми бирди айтып жатышат. Натыйжада берилген мөөнттөрдүн баары аяктап, азыркы чакырылыштагы парламент Кумтөр боюнча маселенин аягына чыга албай калып жатат", — деди депутат.
Ал сүйлөшүүлөрдү аяктоо үчүн курамына парламенттин да, өкмөттүн да мүчөлөрү кире турган комиссия түзүүнү сунуштады.
Аталган маселени кароонун жыйынтыктары боюнча көпчүлүк коалициясынын жыйыны чыгарган чечим долбоорун колдоп, парламентке аны негиз кылып алуу чечими кабыл алынды. Бул чечим КСДП жана "Ата Мекен" фракцияларынын лидерлерине жиберилмекчи.
