БИШКЕК, 10-апр. — Sputnik. "Мамлекеттүүлүктү бекемдөө" парламенттик көпчүлүк коалициясы "Кумтөр" долбоору боюнча бардык маселелерди бир ай ичинде жөнгө салууга мүмкүнчүлүк берди. Тийиштүү чечимди коалиция мүчөлөрү жарыялады.
Министрлер кабинети "Кумтөр" долбоорун улутташтыруу же биргелешкен ишкана түзүү боюнча "маселелерге жасалма карап, терең иштеп чыккан эмес" деп эсептешет депутаттар.
Мындай чечим Жогорку Кеңеш өкмөттүн ишин каанааттандырарлык эмес деп тааныгандан кийин кабыл алынды.
Ошондуктан көпчүлүк коалициясы Centerra Gold Inc. менен "Кумтөр" долбоору боюнча экологиялык жана тоо кен-инженердик коопчулук маселелери чечиле турган келишимди жөнгө салуу үчүн өкмөткө 15-майга чейин мөөнөт берүүнү параментке кеңеш кылат.
КСДП фракциясынын лидери Чыныбай Турсунбеков жеке өзү жана ал жетектеген фракция долбоорду улутташтырууну колдобойт, жана канадалык тарап менен маселе БИ түзүү же акцияларды кайра бөлүштүрүү жолу менен гана чечилиши керек деп эсептейт.
"Премьер-министр Жоомарт Оторбаевдин сунушу жөндүү, бирок өкмөт коопчулуктар маселелери боюнча аягына чыгышы керек", — деп баса белгиледи Турсунбеков.
"Ата Мекен" фракциясы өзү демилгелеп чыккан улутташтыруу идеясын колдой тургандыгын билдирди аталган фракциянын өкүлү Сайдулла Нышанов.
"Биз баарын дагы бир жолу талкуулап, маселени чечүүнүн ушул варинатын талап кылышыбыз керектигине ынандык. Бирок өкмөттүн билдирүүсүн баары бир угабыз", — деди Нышанов.
Парламент өкмөттүн "Кумтөр" долбоору боюнча ишин буга чейин 26-февралда жараксыз деп тапкан. Жогорку Кеңештин "Кумтөргө" байланышкан токтомдору менен 2014-жылдын февралында өкмөткө долбоор боюнча келишимдерди Кыргызстан үчүн пайдалуу шарттарда кайра түзүү тапшырылган болчу.
