БИШКЕК, 5-апр. — Sputnik. Медициа кызматкерлери кичине балдардын кимиси 15 жашында көз айнек тагынып каларын эми аныктай ала тургандыгын ырасташат деп билдирет РИА Новости JAMA Ophthalmology журналына таянуу менен.
Басылма жазгандай, Коламбус шаарындагы Огайо институтунун (АКШ) дарыгерлери баланын алысты көрүү деңгээли боюнча келечекте туш болчу кыйынчылыктарын алдын ала аныктоону үйрөнүштү. Алысты көрүү жагынан кандайдыр бир көйгөйлөрү бар балдардын болчокто көзүнүн көрүшү сөзсүз начарлайт.
"Бул ыкма баланын улуту же расасына карабай натыйжалуу болуп эсептелет. Көз чечекейинин узундугу өскөндөн адамдардын алысты көрүү жөндөмү начарлайт. Алдын ала айтуу системасын түзүүдө биз дал ушуга таяндык", — дейт АКШ институтунун кызматкери Карла Задник.
Ал өз кесиптештери менен мектепке чейинки жана мектеп жашындагы 4,5 миң баланын көзүнүн абалына байкоо жүргүзгөн. Анын натыйжасында адистер, айрым адамдар өспүрүм кезинде эле көз айнек тагынып калышын түшүндүрүүчү эң белгилүү себептерди текшеришкен.
Көзгө байланыштуу көйгөйлөрдүн пайда болушуна күнүмдүк жашоо эмес, баланын чечекейинин түзүлүшү себеп болот экен.
Задниктин айтымында, көзү жакшы адмдарды текшергенде алардын баары тең он жашына чейин алысты жакшы көрө алышканы аныкталды.
Мунун башка жагы, көз айнек тагынгандар өспүрүм кезинде жакынды көрүүдөн кыйналышкан эмес.
Изилдөөчүлөрдүн маалыматы боюнча, көз айнек тагынуучулардын өзгөчөлүгү – бала кезинде алардын көзү токтобой өсүп турат. Анын натыйжасында чечекейи узарып, көздүн курчу кетип калат жана аны кайра калыбына келтирүү мүмкүн эмес.
