БИШКЕК, 2-апр. — Sputnik. Апрель айына карата жаратылыш газынын баасы кымбаттады. Ага ылайык, 1 кубометр газ үчүн калк 14,67 сом төлөсө, коммерциялык жана бюджеттик мекемелер салыкты эске алганда 17,94 сом төлөйт. Бул тууралуу "Газпром Кыргызстан" ЖЧКсы билдирди.
31 Жалган Куран 2015, 18:19
Жаратылыш газы март айына салыштырмалуу калк үчүн 43 тыйынга, өнөр-жай, коммерциялык түзүм жана бюджеттик мекемелер үчүн 86 тыйынга кымбаттады.
Тарифтердин көтөрүлүшү доллардын курсунун көтөрүлүшүнө байланыштуу экенин компаниядан билдиришти. 1-апрелге карата доллардын расмий курсу 63,88 сомду түздү.
Энергетика жана өнөр-жай министрлигинин алдындагы отун-энергетикалык комплексин жөнгө салуу департаментинин буйругуна ылайык, "Газпром Кыргызстан" ЖЧКсы Улуттук банктын айдын башына доллардын сомго карата баасына жараша тарифтерди кайтадан эсептеп чыгат.
