"Кыргызгаз" ААК "Газпром Кыргызстан" ЖЧКсынын менчигине өткөндүгүнө байланыштуу келишимдерди кайра түзүү иштери башталат. Абоненттер келишимдерди өткөн жылдын 31-декабрына чейин кайра түзүүлөрү зарыл болчу, бирок нааразылыктардын себебинен бул процесс алгач 1-мартка чейин, андан соң 31-майга чейин узартылган.
Келишим табигый газ берүү боюнча тараптарды мамилелерин жөнгө салуу, сатуу менен керектөөчүнүн укук-милдеттерин аныктоо, газдын сарпталышын эсепке алуу жана эсептешүү максатында түзүлөт. Жаңы келишимдерде акы өз убагында төлөнбөгөнү үчүн айып 0,5 пайыздан 0,1 пайызга түшүрүлгөн.
"Кыргызгаз" ААКнын керектөөчүлөрү менен түзүлгөн мурдагы келишим жыл сайын өзүнөн өзү узартылып келген. Менчик ээси алмашкандан кийин, "Газпром Кыргызстан" ЖЧК менен кайра келишим түзүү зарылчылыгы келип чыккан.
