БИШКЕК, 30-мар. — Sputnik. Ош аэропортунун учуп-конуу тилкесинен учак чыгып кеткенин Өзгөчө кырдаалдар министригинин маалымат кызматы билдирди.
Маалыматка ылайык, 30-мартта болжол менен саат 8:54тер чамасында Ош – Бишкек каттамындагы "Эйр-Манас" авиакомпаниясына таандык учак конуу учурунда аба ырайынын катаалдыгынан улам, учуп-конуу тилкесинен чыгып кеткен.
Аэропорттун диспетчеры Минажат Раимжанованын айтымында, жабыр тарткандар жок. Окуя болгон жерде ӨКМнын куткаруучулары иштеп жатат.
Эл аралык Ош аэропорту Фергана өрөөнүндөгү ири аба майдандарынын бири, пайдаланууга 1974-жылы берилген. КРдин аймагындагы көлөмү боюнча экинчи аэропорт, жылына 1 миллионго жакын жүргүнчүнү кабыл алат.
