БИШКЕК, 27 мар. — Sputnik. Франциянын Альпы тоолорунда кулап түшкөн авиалайнердин биринчи учкучу кабинанын бекитилген эшигин балта менен талкалап ачууга аракет жасаган деп билдирет РИА Новости Bild гезитине таянуу менен.
Басылма өз кезегинде тергөөнүн жүрүшү жөнүндө биле турган өзүнүн маалымат булактарына таянган. 4U9525 рейсинин командири дааратканага чыгып кеткенден кийин кайра кабинага кире балган эмес деп жазат гезит. Анын эшиги бек болуп чыккан. Командирдин эшикти ачуусун талап кылганына, экинчи учкуч Андреас Лубитц эч жооп берген эмес.
"Авиалайнер ылдый карай учуп бара жатканда экипаждын командири эшикти балта менен ачканга аракет жасаган", — деп жазат немис гезити Bild.
Кыйроого учураган учактын ээси Germanwings компаниясы билдиргендей, лайнер жерге тийгенге чейин сегиз мүнөт ылдый учкан.
Ошол эле учурда N24 телеканалы бир нече жыл мурун Лубитц катуу депрессияга туш болуп, тез-тез дарыгерлердин кароосунан өтүп турган.
Germanwings авиакомпаниясына караштуу А320 учагы 24-март күнү деңиз деңгээлинен 2 миң 700 метр бийиктиктеги тоолуу аймакка кулап түшкөн. Кырсык Франциянын түштүгүндө Жогорку Праванстын Альпы департаментинде болгон. Дюссельдорф — Барселон багыты менен учуп ьара жаткан авиарейсте 142 жүргүнчү жана экипаждын сегиз мүчөсү бар болчу.
Прокурор Мерсель Брис Робен 26-мартта Лубитц "аба кемесин кыйратуу максатында" атайылап жасагандыгы жөнүндө билдирген. Ал учак абага жаңы көтөрүлгөндө учактардын ортосунда кадыресе эле сөз болгон дейт. Командир божомолдоолор боюнча дааратканга чыгып кеткенден кийин, Лубитц кабинанын эшигин бекитип алган. Андан соң учакты жреге карай ылдый бурган. Өлөр алдында авиалайнердин командири кабинанын эшигин ачууга аракет жасаган деп билдирди прокурор.
