БИШКЕК, 27 мар — Sputnik. Өлкөнүн экономикалык өсүшү 2014-жылы 3,6 пайыз болгонун премьер-министр Жоомарт Оторбаев өкмөттүн жума күнкү жыйынында билдирди.
Анын айтымында, Улуттук статистикалык комитеттин маалыматына ылайык, бюджеттин тартыштыгы 0,5 пайыз болсо, бул көрсөткүч 2013-жылы 0,7 пайыз болгон.
Оторбаев ошондой эле, былтыр өкмөт тарабынан сунушталган 62 мыйзам кабыл алынганын кошумчалады.
Премьер-министр учурда Евразиялык экономикалык биримдикке кирүү боюнча аракеттер жүрүп жатканын айтты. Анын алкагына Россия 200 миллион, Казакстан 100 миллион доллар бөлөт.
Өкмөт башчы 2014-2017-жылдары электрондук башкарууга өтүү программасы жактырылганын билдирди.
Биометрикалык маалыматтардын чогултулушу боюнча айткан Оторбаев, учурда 2,5 миллион киши биометрикалык маалыматтарын бергенин белгиледи.
Ал ортодо Сокулук районундагы элдин биометрикалык маалыматы салынган флешка жоголуп, учурда изделип жатканы маалымдалды.
