Бардык мекендештерди жаздын жарчысы болгон Нооруз майрамы менен чын жүрөктөн куттуктайбыз. Ар бир үйгө ырыскы, береке толсун.
Бул жумада биз берекелүү Баткен жергесиндеги азык-түлүктүн бааларын билдик. Баткен облусу өзүнүн өрүгү менен белгилүү. Табигий жактан таза, сапаттуу кургатылган мөмө-жемиштерди бир гана Кыргызстанда эмес, чет мамлекетте да баалашат. Учурда Баткендин жемиштерин чет мамлекетке сатуу жагы жолго коюлууда.
Жаздын жарчысы болгон Нооруз майрамында кургатылган жемиштер ар бир үйдүн дасторконуна коюлат. Нооруз майрамын утурлай, Бишкектин базарларында сатылып жаткан кургатылган мөмө-жемиштердин да баасын билүүгө ашыктык.
Ошондой эле, Бишкек шаарында помидор менен бадыраң 50-80 сомго чейин арзандады.
Баткендеги баалар да жаздын келиши менен өзгөрүүдө. Кыргызстандын башка аймактарынан айырмаланып, Баткен облусунда кой этинин баасы уй этине караганда кымбат. Кой этинин бир килограммы 380 сом турат.
Картошка, сабиз, пияздын баалырында 10 сомго чейин айырма бар.
