БИШКЕК, 3-мар. — Sputnik. Улуу жазуучу Чыңгыз Айтматовдун атын Тынчтык проспектисине ыйгаруу чечими кабыл алынганын Бишкек шаардык кеңештин маалымат кызматы билдирди.
"Бишкек шаардык кеңештин депутаттары өз жыйынында атамекендик жана дүйнөлүк адабияттын өнүгүшүнө кошкон салымы үчүн кыргыз Эл жазуучусу Чыңгыз Айтматовдун ысымын Тынчтык проспектисине ыйгаруу чечимин өзгөчө шартта кабыл алды", — деп айтылат шаардык кеңештин маалымат кызматы тараткан билдирүүдө.
Бишкек шаардык кеңеши 2013-жылдын апрель айында "Бишкектеги көчөлөрдүн аттарын алмаштырууну жөнгө салуу" токтомун кабыл алган. Ага ылайык, Бишкек шаарындагы көчөлөрдүн, географиялык объектердин, шаардык парктардын аталышын өзгөртүүгө 5 жылга мораторий жарыяланган.
Чыңгыз Айтматовдун атын Тынчтык проспектисине ыйгаруу чечими өзгөчө шартта кабыл алынды.
