БИШКЕК, 28 фев — Sputnik. Евразиялык экономикалык комиссиянын Интергацияны өнүктүрүү департаментинин директору Виктор Спасский ЕАЭБнын бейшембиде Афинада өткөн алгачкы чет элдик бетачарында Ысык-Көл аймагын көрктөндүрүп, жакшыртуу керектигин айтты деп билдирет РИА Новости.
Афинадагы иш-чарада Спасский евронун курсу өзгөрүшүнө жана анын натыйжасында россиялыктардын төлөөчүлүк жөндөмүнүн төмөндөшүнө байланышкан маселени козгоду. Ошондуктан бул жылы россиялык туристтер интеграциялык биримдикке мүчө өлкөлөрдүн курортторуна көбүрөөк бара тургандыгы күтүлүүдө деп белгилейт департаменттин директору.
Үстүдөгү жылдын май айында Кыргызстандын жаңы экономикалык биримдикке кошулушу жөнүндө айтып жатып, Армения ЕАЭБга кошулууга арызын бир топ кеч бергенине карабай, көбүрөөк даяр экендигин айтты.
"Армениянын тийиштүү жол картасы КРге караганда бир топ тез ишке ашырылды. Ошондуктан ал эмитен эле биздин катарыбызда. Азыр биримдиктин мүчөлөрү ЕАЭБга кирүүгө даярдыктардын аягына чыгууда Кыргызстанга жардам берип жатышат. Мисалы, сертификациялоочу лабораторияларга каражат бөлүнүп берилди", — деп белгиледи департамент башчысы.
Эркин экономикалык аймакка кошулууну Индия, Израиль, Египет суранып жаткандыгын айтты ал. Бардыгы болуп 40 арыз келип түшкөн. Азыр аларды адистер пайдалуулук жагынан изилдеп жатышат. КРден башка уюмдун жаңы мүчөлөрү жөнүндө азыр кеп боло элек деп баса белгиледи Спасский.
Анын айтымында, кайсы бир тарапка тоскоолдук кыла турган болсо экономикалык кызматташтык жүргүзүү мүмкүн. Биримдик өзүнө мүчө бардык мамлекеттерде ишкердик үчүн шарт түзүүнү көздөйт.
"Биз рыноктун бардык мүчөлөрүнүн иши үчүн ыңгайлуу шарт түзүү ниетиндебиз. Эгер рынокко чет элдик ишкерлер келсе, алардын маркасы кандай болбосун өндүрүмдөрү улуттук болуп калат", — деди Спасский.
Департаменттин жетекчиси мурдагы совет аймагында жашап жаткан жаңы уюм эң биринчи кезекте экономикалык кызматташтыкты билдире тургандыгын жана анын саясий максаттарды көздөбөгөндүгүн баса белгиледи.
"Биз мунайдын жана газдын 2025-жылга карата жалпы рыногун түзүүнү пландап жатабыз. Бүгүнкү күндө ЕАЭБнын аймагында фармацевтикалык жалпы рынок иштеп жаткандыгын тастыктай алабыз", — беп билдирди Спасский.
Белгилей турган нерсе, биримбиктин мүмкүнчүлүктөрү менен Афинада тааныштырууда газ, унаа сатуу, порт курулуштарын өнүктүрүү ж.б. жагынан Греция менен кызматташуу мүмкүнчүлүгү айтылды.
Россия, Белоруссия жана Казакстан 2014-жылдын 29-майында Астана шаарында Евразиялык экономикалык биримдик жөнүндө келишимге кол коюшуп, ал 2015-жылдын 1-январында күчүнө кирген. Экинчи январда ЕАЭБга Армения кошулду, ал эми май айында Кыргызстандын да кошулушу күтүлүүдө.
