БИШКЕК, 20-фев — Sputnik. Донбасста чыр-чатак жүрүп жаткан аймакка тынчтык орнотуучуларын киргизүү боюнча Украина БУУнун катчылыгында кеңешүүлөрдү баштады деп билдирди БУУнун Коопсуздук кеңешиндеги Украинанын туруктуу өкүлү Юрий Сергеев "Голос Америки" маалымат порталына деп билдирди РИА НОВОСТИ.
Мурдараак Украинанын ТИМдин башчысы Павел Климкин Донбасска киргизилиши мүмкүн болгон тынчтык орнотуучулардын мандаты же курамы боюнча Киев өз өнөктөштөрү менен расмий эмес кеңешүүлөрдү өткөргөндүгүн, ошону менен бирге мындай миссияда европалык компоненттин басымдуулук кылышын Украина талап кыла тургандыгын билдирди.
"Чечим бар. Эртең менентен бери биз бул жерде, БУУнун катчылыгында жана өнөктөштөрүбүз менен бул чечимди аткаруу тактикасын иштеп чыгуу боюнча кеңешүүлөрдү баштадык. Биздин тактикалык кадамдарыбыз боюнча бүгүн кечке чейин жетекчилик үчүн өз сунуштарыбызды киргизебиз", — деди Сергеев.
Анын айтымында, Украина тынчтык орнотуучуларын алып кирүү үчүн БУУга өз аргументтерин берди.
"Жалпысынан Украинанын Улуттук коопсуздук жана коргонуу кеңеши билдирген көз карашын баары түшүнөт. Минск макулдашуулары Россия тараптын да, Луганск менен Донецктин кол коючуларынын да тартипти сактабагандыгынан үзгүлтүккө учуроо коркунучунда экенин да баарына түшүнүктүү. Ошондуктан бүтүндөй Минск процессин сактап калуу жана макулдашууларды аткаруу үчүн сырттан күч-аракеттер керек", — деп баса белгиледи атайын өкүл.
Сергеев бул маселеге Коопсуздук кеңешинде бөгөт коюлушу ыктымал деп ойлойт. "Бөгөт коюлушу мүмкүн экенин түшүнөбүз, бирок вето укугунан айланып өтүүнүн башка тактикалык жолдору да бар", — деди ал.
Украинанын Улуттук коопсуздук жана коргонуу кеңеши (УККК) шаршембиде өлкөгө тынчтык орнотуучуларын алып кирүү боюнча БУУга жана ЕБга кайрылуу жөнүндө чечим кабыл алган. Аталган контингент өз алдынча жарыяланган Донецк жана Луганск элдик републикаларынын ыктыярчылар менен бет келүүчү тилкеде жана Киевдин көзөмөлүнө кирбеген Россия менен чектеш аянттарда жайгашуусу керек. УКККнын катчысы Александр Турчинов Жогорку Рада аталган кайрылууну колдойт деген үмүттө. Президент Петр Порошенко Европа биримдигинин полициялык миссиясын өлкөнүн чыгышында эл аралык өкүлдөрүнүн болушунун эң жакшы варианты деп атады. Ошону менен бирге Киев аталган миссияда россиялык өкүлдөр катышпоосу керектигин билдирди.
Минсктеги сүйлөшүүлөрдө эмнелер жөнүндө макулдашылды
Минск макулдашуулары кандай аткарылууда
Жарыяланган ок атууларды токтотуу чырдашып жаткан тараптар менен байкоочулардын билдирүүлөрү боюнча Дебальцеводон сырткаркы тирешүү тилкесин бойлой бардык жерде сакталууда. Ыктыярчылардын баасы боюнча, аталган шаардын жанында курчоодо Украинанын үч миңден ашуун күч жоокерелери калган. Бирок Киевде бул фактты моюнга алышкан жок. Украинанын ири жол түйүндөрүнүн бири болуп эсептелген Дебальцеводо акыркы күндөрү ыктыярчылар менен күч топторунун куралдуу кагышуулары жүрүп турду.
