"Кыргызстан-Кытай" темир жолу: КР сунуштары эске алынган макулдашуу бекитилди

© REUTERS / StringeКытай темир жолу. Архив
Кытай темир жолу. Архив - Sputnik Кыргызстан
Жазылуу
Алмазбек Атамбаев өлкөнүн Транспорт жана коммуникациялар министрин кабыл алып, эки мамлекеттин экономикалык кызыкчылыктарына жооп берчү "Кыргызстан-Кытай" темир жолунун акыркы каттамын дыкаттык менен иштеп чыгуунун зарылчылыгын белгиледи.

Бишкек, 19-фев. — Sputnik. Президент Алмазбек Атамбаев өлкөнүн Транспорт жана коммуникациялар министри Калыкбек Султановду кабыл алып, Кыргыз-Кытай темир жолу боюнча аталган өлкөгө барып келген делегациянын сүйлөшүүлөрүнүн жыйынтыгын талкуулады. 

Архив: Темир жол - Sputnik Кыргызстан
КР делегациясы Пекинге "Кыргызстан –Кытай" темир жол долбоорун сүйлөшүүгө жөнөп кетти
Султанов президентке Кыргызстандын делегациясынын Кытайга жасаган иш сапарынын жыйынтыктары туурасында маалымат берди. Иш сапардын жүрүшүндө эки өлкөнүн мамлекеттик органдары биргелешкен инфраструктуралык долбоорлорду ишке ашыруунун жүрүшүн, ошондой эле кыргыз-кытайлык стратегиялык өнөктөштүктүн алкагында эки тараптуу өз ара аракеттенишүүнүн перспективаларын талкуулашты.

Делегация "Кыргызстан-Кытай" темир жолдун курулушунун долбоорун алдыга жылдыруу боюнча кыргыз тараптын сунуштарын эске алуу менен макулдашууларга жетишти.

Президент январдын башында "Кыргыз темир жолу" улуттук компаниясы" мамлекеттик ишканасынын башкы директору Аргынбек Малабаевди кабыл алып, бул долбоорду ишке ашырууга байланыштуу бардык маселелерди терең иштеп чыгып, аларды Кытай Эл Республикасынын тиешелүү ведомстволору менен дагы бир ирет талкуулоо боюнча тапшырма берген. 

Президент "Кыргызстан – Кытай" темир жол курулушун кайрадан талкуулап чыгууну тапшырды
Мындан 10 күн мурда "Кыргызстан – Кытай" темир жолунун курулушу боюнча маселени талкуулоо боюнча Транспорт жана коммуникация министри Калыкбек Султанов жетектеген делегация Пекинге жөнөп кеткен

Президент Атамбаев эки өлкөнү байланыштырып, эки мамлекеттин экономикалык кызыкчылыктарына жооп берчү "Кыргызстан-Кытай" темир жолунун акыркы каттамын дыкаттык менен иштеп чыгуунун зарылчылыгын белгиледи.

Буга чейинки долбоордо Өзбекстан да кошулган, бирок, министр Султанов "Кытай-Кыргызстан" темир жол долбоорун курууда Өзбекстан каралбай тургандыгын билдирген.

Жаңылыктар түрмөгү
0