БИШКЕК, 12-фев — Sputnik. "Нормандиялык төртиликтин" лидерлери Украинадагы каатчылыкты чечүү боюнча байланыштыруучу топко документтин долбоорун тапшырышты деп билдирет РИА Новости.
Белоруссиянын борборунда сүйлөшүүлөр 16 сааттан ашык созулду. Россия, Франция, Украина жана Германия өлкөлөрүнүн башчылары Украинадагы каатчылыкты жөнгө салуу боюнча документке кол коюшат деп күтүлүүдө.
"Нормандиялык төртиликтин" сүйлөшүү процессине жакын маалымат булагы тынчтык сүйлөшүүлөрүндө чоң кадам жасалды деп белгилейт. Маектештин айтымында, документтин өзүндө 10дон ашык пункт камтылган жана анын акыркы долбоору боюнча макулдашуу 80 пайызга жетти.
Жолугушуунун бардык тараптары кол койгондон кийин документ байланыштыруучу топко берилмекчи.
