БИШКЕК, 9-фев — Sputnik. Москвадагы кафелердин биринде, кечинде кыргызстандыктар мушташып кетип, экөө оор жаракат алып, бирөө каза тапкан. Бул туурасында Кыргызстандын Россиядагы элчилигинен Sputnik маалымат сайтынын кабарчысына билдиришти.
Москванын түндүк-чыгышындагы кыргызстандыктардын мушташы ошол аймактагы видеокөзөмөл кылган камерага жазылып калган. Алгач, короого чыгып, кер-мур айтышуу мушташка өтүп кеткен. Борбордук тартип коргоо кызматкерлердин билдирүүсүндө, алгач, бычакты пайдаланышып, андан кийин тапанчадан ок атылган.
Полициянын оперативдүү кызматкерлери массалык мушташка катышкандардын бири кармалгандыгын билдиришти.
Мушташтын себептери азырынча белгисиз, окуянын чоо-жайын учурда КР ИИМинин Россиядагы атайын өкүлчүлүгү иликтеп жатат.
