БИШКЕК, 6-фев — Sputnik. ЕАЭБга кирүү жана башка бир катар маселелерди Кыргызстандын премьер-министри Жоомарт Оторбаев менен Россиянын Федералдык бажы кызматынын башчысы Андрей Бельянинов талкуулашты деп билдиришет КР өкмөтүнүн маалымат кызматынан.
Жолугушуу премьердин Евразиялык өкмөттөр аралык кеңешинин биринчи отурумунда катышуусунун алкагында өттү.
Анын жүрүшүндө Оторбаев Кыргызстан стратегиялык кызматташтык жагынан кыргыз-россиялык мамилелерди андан ары кеңейтип жана бекемдөөгө кызыга тургандыгын белгиледи.
Андан тышкары, жолугушууда соода-экономикалык кызматташтык, гуманитардык байланыш жана жылуулук-энергетикалык тармактагы өнөктөштүк маселелери козголду.
Евразиялык өкмөттөр аралык кеңештин биринчи отуруму жума күнү, 6-февралда Москвада өтүп жатат. Россиянын, Армениянын, Белоруссиянын, Казакстандын жана Кыргызстандын премьер-министрлери ченем-укуктук негизин жана интеграциялык топтун алкагында бир катар конкреттүү долбоорлорду ишке ашыруу маселелерин талкуулашууда. Эң башкы орун КРдин ЕАЭБга кирүү маселесине ыйгарылмакчы.
Россия, Белоруссия жана Казакстан 2014-жылдын 29-майында Астана шаарында Евразиялык экономикалык биримдик жөнүндө келишимге кол коюшуп, ал 2015-жылдын 1-январында күчүнө кирген. Экинчи январда ЕАЭБга Армения кошулду, ал эми май айында Кыргызстандын да кошулушу күтүлүүдө.
