БИШКЕК, 6-фев — Sputnik. Кыргызстандын Ички иштер министрлиги 230 кызматтык машина жана кызматкерлердин айлыгын көтөрүүнү суранат. Бул тууралуу ички иштер министри Мелис Турганбаев көпчүлүк коалициянын жыйынында билдирди.
Анын айтымында, 10 жылдан бери ИИМге кызматтык машина бөлүнгөн эмес.
"Кызматтык милдетибизди аткаруу үчүн бардык кызматкерлерди камсыздап, алардын айлыгын көтөрүү керек. Андыктан бизге 230 кызматтык машина керек", — деди Турганбаев.
Ал ошондой эле, штаттагы кызматкерлердин саны көбөйгөнүн кошумчалады. Ар бир мектепте жашы жете элек өспүрүмдөр менен иштеген бирден милиция кызматкери бар. Андан сырткары Бишкекте жол кайгуул кызматы боюнча атайын батальон түзүлгөн.
