БИШКЕК, 4-фев — Sputnik. Президент Алмазбек Атамбаев өлкөнүн Социалдык фондунун төрагасы Мухамметкалый Абулгазиевди кабыл алып, пенсиялык системаны жакшыртуу жаатында сүйлөштү. Бул туурасында президентитн маалымат кызматы кабарлады.
Жолугушуунун жүрүшүндө мамлекет башчысына ведомствонун чыгымдарынын өсүшүн турукташтырууну, пенсиялык системанын кыйла натыйжалуу ишин камсыз кылууну караган Кыргыз Республикасынын пенсиялык камсыздоо системасын өнүктүрүү Концепциясынын алкагында жүргүзүлүп жаткан иштер туурасында маалымат берилди.
Атамбаев ошондой эле Абулгазиев менен өлкөнүн алдыдагы интеграциялык процесстерге катышуу мезгилинде болжолдонгон инфляциянын тушунда пенсионерлерди социалдык жактан коргоо, пенсиялардын көлөмүн индексациялоо боюнча болжолдонуп жаткан чараларды талкуулады.
