БИШКЕК, 20-янв—Sputnik. Кыргызстандын чек арачылары чек арадан мыйзамсыз өтүп кетишкен деп билдирет РИА Новости и Өзбекстандын чек ара кызматына таянуу менен.
Дүйшөмбү күнү Кыргызстандын Мамлекеттик чек ара кызматы чек арачылардын талабына баш ийбей КРдин аймагына өтүп кирип, "биринчи ок чыгарган" Өзбекстандын үч жараны (божомолдоолор боюнча аңчылар) тууралуу билдирүүнү тараткан. Атышуу учурунда Өзбекстандын жарандарынын бири жарадар болуп, ага медициналык жардам көрсөтүлгөн.
Өзбекстандын Чек ара кызматынын маалыматы боюнча, Кыргызстандын Мамлекеттик чек ара кызматынын үч кызматкери Өзбекстандын Наманган областына караштуу Варзик-Чуст районунда болуп жаткан айылдык жыйынга кирип барып, үч жаранга ок чыгарып, алардын аңчылык мылтыктарын тартып алган соң КРдин аймагына кайра кетишкен.
Кыргызстандын Чек ара кызматынын ЖМК менен иш алып баруу боюнча башкармалыгынын жетекчиси Гүлмира Бөрүбаева Sputnik сайтынын кабарчысы менен болгон сөзүндө бул билдирүүнү четке какты.
"Өзбекстандын аңчылык кылып жүргөн жарандары Кыргыз Республикасынын чек арасын бузуп өтүп, Кыргызстандын аймагына 600 метрге кирип келишкен. Өзбекстандын Чек ара кызматынын өкүлдөрүнө атылган октун гильзалары тапшырылган. Андан сырткары, аңчылардын биздин аймакка кирип келгенин далилдеген издери көрсөтүлгөн", — деди Бөрүбаева.
Ошондой эле ал кыргыз тарап окуя боюнча тергөө жүргүзүп жатканын кошумчалады.
