Билдирүүдө белгиленгендей, ички жер которуучулардын саны 633 миң 523 адамга, ал эми Украинаны таштап кеткендердин саны 593 миң 622 адамга жетти. Гуманитардык коомчулуктун баасы боюнча, өлкөдө 1,4 миллионго жакын адам жардамга өтө муктаж.
Украинанын чыгышында чыр-чатак башталгандан бери 4 миң 808 адам курман болгон, анын ичинен 298 адам Малайзиянын Boeing учагы менен болгон кырсыкта каза тапкандар деп айтылат билдирүүдө.
"Чыр-чатакка аралашкан аймактардан миңдеген адамдар каржылык жардамга муктаж болуп жатканы тууралуу кооптуу кабарлар келип жатат. Ошондой эле зарыл азык-түлүктөр менен дары-дармек сатып алганга мүмкүнчүлүк жетишсиз деген маалыматтар бар", — деп белгиленет документте.
Франция, Швейцария жана Нидерланд өлкөлөрүндөгү "Дарыгерлер чектөөсүз" уюму Украинада гуманитардык иш-аракеттерди баштоого ниеттенүүдө.
