БИШКЕК, 3-янв — Sputnik. 3-6-январь күндөрү күтүлүп жаткан кардан улам Кыргызстандын тоолуу аймактарындагы жолдордо кар көчкү түшүү коркунучу жогору экенин Өзгөчө кырдаалдар министрлиги билдирет.
Андыктан, Бишкек – Ош, Бишкек – Талас (Өтмөк ашуусу), Мырзаке – Кара-Кулжа – Алайкуу, Ала-Бука – Каныш-Кыя, Каракол – Эңилчек, Казарман – Акталчат (Кара-Гөө ашуусу) жолдорунда кар көчкү коркунучу жана кар күрткүсү күтүлгөндүктөн айдоочуларды этият болууга чакырат.
Жолдор тайгак болуп муз тоңот. Унаалардын ортосунда 500 метр аралык кыймылдын чектелиши зарылдыгын ӨКМ эскертет.
