БИШКЕК, 27-дек — Sputnik. Чынын айтканда ЕЭАБ бизди мүчөлүккө алабы же жокпу акырына чейин билген жокпуз, деп Алмазбак Атамбаев бүгүнкү жыйынтык маалымат жыйынында айтты.
Ал аталган биримидикке киришибизге алардын мүчө өлкөлөрүнүн бири каршы чыккандыгын, анын себеби, альянстын курамына кирүүдө жеңилдиктердин арбыныраак бөлүнүшү болгон.
"Кайчы пикирлер арбын болду, бизде өтө чоң үлүш Беларустарда – 4%, бизге 1,9%ды талашып жатып алууга туура келди. Бул биздин спекулятивдик экеномикадан кызмат көрсөтүү, агрардык жана башка тармактарга таянып, кадыресе экономикага багыт алышыбызга, ошого өтүшүбүзгө жакшы мүмкүнчүлүк жаралды", — деп түшүндүрдү президент.
Мамлекет башчысы ошону менен катар эле чек ара, бажы жана санитардык постторду жакшыртуу үчүн өтө көп каражат бөлүнгөндүгүн айтты. Буга кошумча Атамбаев Россия — 200 миллион доллар, Казакстан – 100 миллион доллар бөлгөндүгүн билдирди. Мындан сырткары түзүлгөн Кыргыз-Россия фондуна бир миллиард доллар каралып, 500 миллион долларын Россия бөлүп, калганын карыз катары берилет.
