БИШКЕК, 17-дек — Sputnik. Улуттук илимдер академиясынын Сейсмология институту маалымдагандай, түнкү саат 00:28де Ысык-Көл облусунда күчү 3,5 баллга жеткен жер титирөө катталган.
Жер титирөөнүн очогу Кайыңды айылынан 8 чакырым түштүк-чыгышты, Тегирменти айылынан 10 чакырым түштүк-чыгышты, Тору-Айгыр айылынан 28 чакырым түндүк-батышты жана Балыкчы шаарынан 30 чакырым түндүк-чыгышты карай жайгашкан.
Алдын ала маалыматтарга ылайык, жердин силкинүү күчү Кайыңды айылында 3,5 балл, Тегирменти айылында 3 балл, Тору-Айгыр айылында, Балыкчы шаарында 2,5 балл болгон.
Өзгөчө кырдаалдар министрлигинин маалыматына ылайык, жабыр тарткандар болгон эмес.
