Юкио Хатояма ушул жылдын октябрында Москвага болгон сапарында ага Мамлекеттик Думанын төрагасы Сергей Нарышкин япон саясатчыларынын Россияга каршы санкцияларга кошулуу чечими анын көңүлүн калтыргандыгын билдирип, аны катачылык деп атагандыгын айтты.
"Мен буга толук кошулам. Бүгүн бул залда чогулган орус маданиятын сүйүүчүлөр, баарыбыз, санкциялардын алып салынышына болгон күч-аракетибизди жумшообуз керек", — деди Хатояма.
1,5 миллиондон ашык япониялыктар 2014-жылы Японияда өткөн Россия маданиятынын фестивалында болушту. Фестивалдын алкагында 58 программа каралып, ал эми өткөрүлгөн иш-чаралардын жалпы саны эки миңден ашкан.
Эмки жылы фестиваль Россия менен Япониянын ортосундагы мамлекеттер аралык мамилелердин түптөлгөндүгүнүн 160 жылдыгына жана фестивалдык программалардын 10 жылдыгына арналат. Май айында РФ менен Япония бул өлкөдө 2017-2021-жылдары Россия маданиятынын фестивалын өткөрүү боюнча беш жылдык программа жөнүндө келишимге кол коюшат.
Россия маданиятынын фестивалы Японияда 2006-жылдан бери өткөрүлүп келет жана аны 12,5 миллиондон ашык адам келип көргөн. Фестивалдын алкагында Япониянын 27 префектурасында жана 72 шаарында концерттер, көргөзмөлөр жана башка маданий иш-чаралар өткөрүлдү.
АКШ менен Европа биримдиги россиялык саясатчылар менен ишкерлерге каршы санкцияларды кантип киргизди
АКШ менен Европа биримдиги Крымдын Россияга кошулуусун тааныган жок жана Москваны Украинаны ишине кийлигишкендиги үчүн күнөөлөп жатышат. Россия муну мойнуна албай, мындай айыптоолор туура эмес деп эсептейт. Батыш өлкөлөрү март айынан тартып россиялык саясатчыларга, ишкерлерге жана компанияларга каршы бир нече жолу санкцияларды киргизип, чектөөчү чараларды кеңейтебиз деп опузалашкан. Акыркы жолу санкциялар сентябрда киргизилген болчу.
Россия Батыштын санкцияларына кандайча жооп берди
6-августта Россия президенти Владимир Путин коопсуздукту камсыз кылуу үчүн айрым экономикалык атайын чараларды колдонуу жөнүндө жарлыкка кол койгон. Москвага каршы санкция киргизген өлкөлөрдөн айрым товарлардын алып келинишине бир жылга чек коюлган. Тизмеге уйдун эти, чочконун эти, жемиштер, канаттуулар, быштак жана башка сүт азыктары, жаңгактын түрлөрү ж.б. азык-түлүктөр кирген.
