Кепилденген минималдык киреше 370 сомдон 640 сомго чейин жогорулаган. Социалдык өнүгүү министрлигинин 2014-жылдын 1-октябрына алынган маалыматына ылайык, жөлөк пулду 313 миң 500 бала алат. Аз камсыз болгон үй-бүлөлөргө ай сайын берилчү жөлөк пулду өкмөт жогорулатканга карабастан, бул жарандардын киреше деңгээли төмөн бойдон калууда.
"Ай сайын берилчү жөлөкпулдун көлөмү 500 сом. Кыргызстанда жакырчылык деңгээли өтө көйгөйлүү маселелерден болуп саналат. Дээрлик ар бир экинчи бала жакырчылыкта өсүп, чоңоюуда. Өткөн жылы балдардын жакырчылык деңгээли 45,2 пайызды түзгөн. Андыктан, өкмөт жөлөкпулду коомдун ушул катмарына көбүрөөк бөлүүгө аракет кылууда", — деп айтылат билдирүүдө.
Акыркы 4 жылдан бери жөлөкпулга муктаж болгон үй-бүлөлөрдү аныктоо боюнча тутумга дайыма жаңы критерийлер киргизилип, жөлөкпулду чегерүүдө үй-бүлөнүн киреше булагы — малы, унаасы да эске алынууда.
