00:14 05 Баш оона 2021
Түз эфир
  • USD84.7102
  • EUR100.3901
  • RUB1.1638
Дүйнөдө
Кыскача шилтеме алуу
101 0 0

Израиль менен Палестинанын Газа тилкеси чектешкен жердеги кырдаал дүйшөмбү күнү курч алган. Анын кесепетинен курман болгондор менен жаракат алгандардын саны өсүүдө.

БИШКЕК, 14-май — Sputnik. БУУнун башкы катчысы Антониу Гутерриш Газа тилкеси менен Израилдеги куралдуу кагылышууну токтотууга чакырды.

"Орозо айт майрамынын урматына Газа менен Израилдеги куралдуу кагылышууну токтотууга чакырам. Күнөөсү жок жөнөкөй адамдар курман болду. Бул конфликт аймактагы радикалдашуу менен экстремизмди күчөтөт", — деп Гутерриш Twitter баракчасына жазды.

​Израиль менен Палестинанын Газа тилкеси чектешкен жердеги кырдаал дүйшөмбү күнү курч алган. Тараптар ракета менен аткылашуусун улантууда. Анын кесепетинен курман болгондор менен жаракат алгандардын саны өсүүдө. Акыркы маалыматтар боюнча, Израилдин калк жайгашкан аймагында алты жөнөкөй жаран менен бир аскер кызматы каза болгон. Ал эми Газа тилкесинде 115 киши курман болду.

Буга чейин Израилдин коргонуу министри Бени Ганц армия палестиналык топтор тынчып калмайын алардын Газадагы объектилерин аткылай турганын билдирген. Ошол эле учурда палестиналык топтор дагы Израилдин шаар аймактары менен борбордук бөлүгүнө чабуул коюуда.

Израилдиктердин маалыматына караганда, Газа тилкесинен миңден ашык ракета кое берилген. ХАМАС кыймылы болсо Иерусалимдеги палестиналыктардын кызыкчылыгын коргой турганын маалымдады.

Тема боюнча

Кыргызстан жана Өзбекстан башчылары чек ара тилкелерин мыйзамдаштырууну талкуулады
Баткендеги кыргыз-өзбек чек арасына топтолуп калган эл тарады
Белгилер:
БУУ, Антониу Гутерриш, Израиль, Палестина

ЭҢ МААНИЛҮҮ