14:56 29 Аяк оона 2020
Түз эфир
  • USD79.4998
  • EUR92.5457
  • RUB1.0105
Дүйнөдө
Кыскача шилтеме алуу
157301

Жалпы адамзатка келе турчу кыйынчылыкты учурда тропикалык өлкөлөрдүн дарыгерлери баштан кечирүүдө. Алар кооптуу симптомдорду кезметке туруу менен байланыштырып жатат.

БИШКЕК, 20-июл. — Sputnik. Бир нече жылдан кийин глобалдык жылуулуктун таасиринен улам сыртта иштөө өмүргө кооптуу болуп каларын NBC басылмасы жазды. 

Окумуштуулардын божомолунда, жыл сайын планетадагы температура орто эсеп менен бир градуска көтөрүлүүдө. Адистер миллиондогон адамдар, айрыкча өнүгүп келе жаткан өлкөлөрдө адамдар ысыктын азабын тартып, ден соолугуна зыян келерин эскертишти. Тагыраагы, аптап ички органдардын иштешине терс таасирин тийгизет.

Кучакташпагыла. Сомнолог аптаптуу күндөрү уйку кандыруунун жолу тууралуу

БУУнун маалыматына ылайык, мындай шартта кондиционер колдонуу кырдаалды ого бетер курчутат. Анткени алардын энергиясы экологиялык жактан таза эмес экендиги белгилүү. Мындан улам адистер "жашыл" кондиционерлердин концепциясын иштеп чыгууну сунушташкан. Себеби температуранын жогорулашына байланыштуу аба муздаткычтарга суроо-талап көбөйө турганы белгилүү. Ал пайдалуу гана эмес, коопсуз да болорун кошумчалашкан.

Макалада айтылгандай, алдыдагы алааматтын белгилерин бүгүн дарыгерлердин арасынан байкоого болот. Тропикалык климаттагы медиктер бейтаптарды дарылоодо салмагы оор коргоочу каражаттарды кийгендиктен, ден соолугуна чоң коркунуч келип, стресске дагы туш болуп жатышат.

Август ысык болобу? Бир айга карата аба ырайынын божомолу

Ысыктын азабын кийинчерээк башка тармактагылар дагы тартып башташы мүмкүн. Дарыгерлер кооптуу симптомдорду (баш оору, чарчоо, жүрөк айлануу) этибарга албай, муну узакка кезметке турууга байланыштуу болуп жатат деп ойлошот. Бирок бул дене ысык тарткандын кесепетинен келип чыккан өзгөрүүлөр болуп саналат.

Тема боюнча

Өтө таза аба эмнеси менен кооптуу экенин окумуштуулар түшүндүрүп беришти
Кандай аба ырайы уйкунун канбай калуусуна таасир берерин окумуштуулар аныкташты
Белгилер:
Окумуштуулар, иш, ден соолук, температура, ысык, аба ырайы

ЭҢ МААНИЛҮҮ