БИШКЕК, 12-апр. — Sputnik. Тарыхта биринчи жолу Американын бардык штатына ири кырсык режими киргизилди. Бул туурасында Ак үйдүн өкүлү Жадд Дир билдирди.
🚨With @realDonaldTrump’s declaration for WY, the President has now declared for the 1st time in history that a major disaster exist within all 50 states at once. The President continues to respond to the needs of every Governor to protect the health of all Americans. 🇺🇸 #COVID19
— Judd Deere (@JuddPDeere45) April 11, 2020
“Вайомингде Дональд Трамп ири кырсык режими тууралуу жарыялагандан кийин бул бир убакытта 50 штаттын баарына тең киргизилген режим катары тарыхта алгачкы учур болуп калды”, — деп жазган Дир.
Соңку маалыматтар боюнча, АКШда коронавирус жуктургандардын саны 530 миңге чукулдады. Ал эми каза болгондор 20 миңден ашуун, 32 миңден көбүрөөк адам айыкты.
Дүйнө жүзү боюнча өпкөнү сезгентүүчү ооруга чалдыккандардын саны 1,7 миллиондан ашты.
