БИШКЕК, 6-апр. — Sputnik. Иранда коронавируска кабылган 100 жана 106 жаштагы улгайган эки бейтап ооруканадан сакайып чыкканын IRNA агенттиги жазды.
Эки учур тең Кум шаарындагы ооруканаларда болгон. 106 жаштагы эркек киши 14 күн дарылангандан кийин ишемби күнү медициналык жайдан чыгарылган. 100 жаштагы экинчи бейтап Али Афшари ооруканадан жекшембиде чыгарылган.
#Iranian centenarian defeats #coronavirus https://t.co/38XhdIsVSP #COVID19 pic.twitter.com/Aj25IIJ3bu
— IRNA News Agency (@IrnaEnglish) April 5, 2020
Мындан тышкары, шейшемби күнү ооруканадан вируска кабылган 98 жаштагы кемпир чыгарылганы айтылат. Ал медиктердин көзөмөлүндө 27 күн болгон.
2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган.
