Кытай ТИМи: Уханга коронавирусту АКШ аскерлери алып кириши мүмкүн

© REUTERS / Bryan WoolstonАКШнын аскер кызматкерлери. Архив
АКШнын аскер кызматкерлери. Архив - Sputnik Кыргызстан
Жазылуу
Дипломат бул билдирүүнү өзүнүн Twitter баракчасына бейшемби күнү жазган. Ал илдетти Кытайга АКШ аскерлери алып келиши ыктымал деп шектенүүдө.

БИШКЕК, 13-мар. — Sputnik. Кытайдын Тышкы иштер министрлигинин расмий өкүлү Чжао Лицзянь Twitter баракчасына "Уханга коронавирусту АКШнын аскерлери алып кириши мүмкүн" деп жазды. Бул тууралуу Reuters басылмасы билдирди.

Дипломат бул билдирүүнү өзүнүн Twitter баракчасына бейшемби күнү жазган.

​​"АКШда эң биринчи бейтап качан пайда болду? Канча адам жуктурду? Ооруканалар кандай аталат? Сыягы, Уханга эпидемияны АКШнын армиясы алып келди. Таза болгулачы! Маалыматтарыңарды ачыкка чыгаргыла! АКШ бизге түшүндүрмө бериши керек!" — деп Чжао англис тилинде кайрылган.

Бүгүнкү күндө дүйнөдө коронавирусту жуктуруп алгандардын саны 126 миңден ашты. Андан 4700 адам көз жумган. Кыргызстанда ооруну жуктуруп алгандар катталган жок.

Жаңылыктар түрмөгү
0