БИШКЕК, 3-мар. — Sputnik. Түштүк Кореяда "Храм скинии свидетельства Шинь-чонджи" христиан сектасынын башчысы Ли Ман Хи өлкөсүнө коронавирустун жаңы түрүн алардын сектасы жайылтканы үчүн кечирим сурады. Бул тууралуу BBC кабарлады.
Лидер маалымат жыйын берип жатып кечирим сурап, кылган ишине өкүнүп жаткандыгынын белгиси катары ийилип, тизелеген.
신천지 교주 이만희, 자칭 재림예수가 마스크 쓰고 나와 기자회견 중. 신천지에 대해 비난하는 사람들 확성기 소리로 시끌벅적. pic.twitter.com/6IjJ8iXenS
— 느림보가 사는 세상?! (@knuepck) March 2, 2020
Белгилей кетсек, Түштүк Кореяда коронавирустун жаңы түрүн жуктуруп алгандардын саны 4812ге жетти. Анын 60 пайызы дал ушул сектанын мүчөлөрү.
속보 이만희 2번 절해... 국민에게 죽으라 선언 pic.twitter.com/H94USWaAJP
— [소전 온리전 라5/라7]난주바미 (@Nanju_Bami) March 2, 2020
"Бул атайын жасалган эмес, көбү жуктуруп алышты. Биз оорунун алдын алып, адамдарыбызды илдеттен сактап калууга аракет кылдык, бирок колубуздан эч нерсе келген жок", —деди секта лидери.
Сектанын 88 жаштагы башчысы Ли Ман Хи дагы анализ тапшырып, бирок андан COVID-19 аныкталган эмес.
Акыркы маалыматтар боюнча, аталган өлкөдө вирусту жуктургандардын саны 4812 адамга жетти. Алардын 28и көз жумган.
Буга чейин Сеулдун бийлиги "Храм скинии свидетельства Шинь-чонджи" сектасынын 12 лидерине каршы прокуратурага арыз жазган.
Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери
