07:50 29 Аяк оона 2020
Түз эфир
  • USD79.4998
  • EUR92.5457
  • RUB1.0105
Дүйнөдө
Кыскача шилтеме алуу
2842 0 0

Макгрегор менен Нурмагомедов биринчи жолу 2018-жылы 6-октябрда беттешкен. Анда ирландиялык спортчу муунтуу ыкмасынан утулуп калган.

БИШКЕК, 19-янв. — Sputnik. UFC уюмунун президенти Дана Уайт ирландиялык мушкер Конор Макгрегор россиялык Хабиб Нурмагомедов менен чемпиондук кур үчүн кайрадан беттеш өткөрө турганын жар салды. Бул туурасында ал UFC 246 турниринен кийин болгон маалымат жыйында билдирди.

Аталган турнир бүгүн, 19-декабрда, Лас-Вегаста өттү. Кеченин башкы беттешинде Макгрегор америкалык Дональд Серронени нокаут менен утуп алды.

"Бардыгы Конор менен беттешкиси келет. Азыр ага чакырык таштагандар да көп болуп жатат. Бирок ал үчүн эң маанилүүсү — Хабиб менен кармашуу. Ал биринчи беттешинде жакшы даярдана албай калганын өзү билет. Ошол себептен экөөнүн беттешин кайра уюштуруу керек. Кармаш 70 килограмм салмакта чемпиондук кур үчүн болушу шарт. Бул Хабиб үчүн дагы маанилүү. Себеби азыркы статистикасы 28:0. Эгер Тони Фергюсонду, андан кийин Макгрегорду утса, тарыхта 30 жеңишти камсыздап, бир дагы жолу утулбаган спортчу болуп калат", — деген Уайт.

Макгрегор менен Нурмагомедов 2018-жылы 6-октябрда беттешкен. Анда ирландиялык спортчу муунтуу ыкмасынан утулуп калган.

Тема боюнча

Макгрегор: UFC тарыхында үч салмакта тең нокаут менен уткан мушкермин
Белгилер:
реванш, беттешүү, Хабиб Нурмагомедов, Конор Макгрегор, Дана Уайт, UFC

ЭҢ МААНИЛҮҮ