04:24 06 Бугу 2021
Түз эфир
  • USD84.7914
  • EUR101.7878
  • RUB1.1267
Дүйнөдө
Кыскача шилтеме алуу
170710

Россия менен Франция башчыларынын пикиринде, АКШнын мындай аракети Жакынкы Чыгыштагы абалды кескин курчутуп жибериши мүмкүн.

БИШКЕК, 3-янв. — Sputnik. Россиянын президенти Владимир Путин менен Франциянын башчысы Эммануэль Макрон АКШнын ракеталык соккусунан каза тапкан ирандык генерал Касем Сулейманинин өлүмүнө кабатыр болуп жатышат. Бул тууралуу РИА Новости Кремлдин маалымат кызматына шилтеме берип жазды.

Жума күнү, 3-январда, эки өлкөнүн башчысы телефондон сүйлөшкөн. Маек француз тараптын демилгеси менен жүргүзүлгөн.

"Эки тарап тең АКШнын ракеталык соккусунан улам Багдад аэропортунда каза тапкан атайын даярдыктагы "Кудс" бөлүгүн баштаган Касем Сулейманинин өлүмүнө бушайман болуп жатканын билдиришти. Анда жаралган нааразычылык аймактагы абалды курчутуп жибере турганы айдан ачык болуп калганы айтылды", — дешти маалымат кызматынан.

Белгилей кетсек, 3-январь күнү эртең менен Багдаддагы аба майданда ракетанын чабуулунан Иран бийлигине караштуу атайын даярдыктагы "Кудс" бөлүгүн баштаган Касем Сулеймани менен кошуундун орун басары Абу Махди аль-Мухандис каза тапкан. Мындан тышкары, Ирандын төрт офицери көз жумган.

Пентагон АКШ Сулейманиге каршы операция жүргүзгөнүн тастыктап, сокку президент Трамптын буйругу менен аткарылганын жарыялады. Вашингтон Сулейманини Багдаддагы Американын элчилиги менен коалициянын базасындагы кол салууларга тиешеси бар деп эсептейт.

Ирандын саясий жана аскерий жетекчилиги бул окуяга үн катты. Ирандын жогорку лидери Али Хаменеи менен президенти Хасан Рухани Сулейманинин өлүмү үчүн өч алууну убадалады. Өз кезегинде Американын президенти ирандык генералды миллиондогон адамдын, анын ичинде ирандыктардын өлүмүнө күнөөлөдү. Ошондой эле Трамп Касем Сулеймани миңдеген америкалыктарды өлтүрүп же жабыр тарттырганын билдирген.

Тема боюнча

Май каатчылыгы: АКШ Ирандагы нааразылыкты колдоп жатат. Видео
Акыл-эс кайда? АКШ сенаты РФти "террорчулукка демөөрчү" болгон өлкөлөргө кошту
Белгилер:
өлүм, генерал, Иран, Франция, Россия

ЭҢ МААНИЛҮҮ