03:24 15 Тогуздун айы 2019
Түз эфир
  • USD69.8079
  • EUR77.0016
  • RUB1.0846
Россиянын президенти Владимир Путин. Архив

Путин Курандан мисал келтирип, дрон чабуулуна пикирин айтты

© Sputnik / Валерий Мельников
Дүйнөдө
Кыскача шилтеме алуу
806901

Түркиянын борбору Анкара шаарында дүйшөмбү күнү Сириядагы окуялар боюнча саммит өттү. Анын жыйынтыгы менен Россиянын, Ирандын жана Түркиянын президенттери маалымат жыйын курушту.

БИШКЕК, 17-сен. — Sputnik. Россиянын президенти Владимир Путин Сауд Аравиядагы нефть кендерине болгон чабуулга түшүндүрмө берип жатып, Курандан мисал келтирди.

РИА Новости агенттигинин жазышынча, Путин өз пикирин Сириядагы абал боюнча Анкарада өтүп жаткан саммитте айтты.

"Калкынын көбү мусулман болгон Түркияда туруп Курандан мисал келтире кетпесем болбос. "Кудайдын боорукерлигин эстегиле. Качандыр бир кезде душман болсоңор, Алла силердин жүрөгүңөрдү бириктирип, тууган кылды". Мына ушуну унутпаш керек", — деди Путин.

Ал ошондой эле Сауд Аравиясына инфраструктурасын коргоо үчүн Россиянын С-400 же С-300 ракеталык комплекстерди сатып алууну сунуштады.

Эске салсак, 14-сентябрда Сауд Аравиянын нефть казган бир нече ишканасында өрт чыкканы кабарланган. Бул кол салууну Йемендин хуситтери жасаганын айтып, бир нече объектиге дрон менен чабуул жасаганын моюндаган.

Анын кесепетинен нефтини казып алуу эки эсе азайып, ал өз кезегинде кара майдын дүйнөлүк рыноктогу баасынын өсүшүн шарттаган.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Дүйнөдө нефтинин баасы 19 пайызга өстү. Себеби эмнеде?
Белгилер:
нефть, Мунай, саммит, куран, Сауд Аравиясы, Владимир Путин

ЭҢ МААНИЛҮҮ