01:32 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Кош бойлуу аял. Архив

Аял төрөгөн эгиздерди биологиялык ата-энесине берүүгө аргасыз болгон. АКШдагы окуя

© AFP 2019 / YOSHIKAZU TSUNO
Дүйнөдө
Кыскача шилтеме алуу
919 0 0

Кызыктын баары балдар жарыкка келгенден кийин башталган.

БИШКЕК, 10-июл. — Sputnik. Дарыгерлердин катасынан улам чоочун бирөөнүн уругунан боюна бүтүп төрөгөн америкалык аял эгиз ымыркайларды биологиялык ата-энесине кайтарып берүүгө аргасыз болду. Бул туурасында The New York Post жазды.

Ю.З. жана А.П. (Y.Z. жана A.P.) деп белгиленген аялы менен күйөөсү көпкө чейин балалуу боло албай жүргөн. Алар жыл башында, январь айында жасалма уруктандыруу, тагыраагы, экстракорпоралдык жол менен төрөткөн, эл оозуна алынып калган клиникага кайрылышкан.

Бир ай ичинде алар зарыл болгон процедуралардан өтүп, дарыларды ичип отуруп, энеге көчүрө турган сегиз түйүлдүктүү болушкан. Жубайлар дарыгерлердин кеп-кеңеши, дары-дармеги жана Лос-Анджелеске барып келген сапарларын кошуп эсептегенде кеткен чыгым 100 миң доллардын (6,4 миллион сомдун) тегерегиндеги акча сарптаган. Ал эми июль айында аялга экстракорпоралдык уруктандыруу жасаганда майнап болгон эмес.

Бир ай өткөн соң дарыгерлер дагы эки эмбрионду кайра салган да, сентябрда анын кош бойлуу экендиги аныкталган. Кийинчерээк УЗИ болочоктогу эне эгиз уулдуу болорун көрсөткөн.

21-мартта А.П. табигый эмес, кесарево жолу менен эки эркек наристени жарыкка алып келген. Кызыктын баары балдар жарыкка келгенден кийин башталган. Көп өтпөй эле эне төрөгөн уулдары өзүнүкү эместигин билген. Тагыраагы, бөбөктөр азият тектүү ата-энелерине таптакыр эле окшошпой туруп алган. Дагы бир жагдай, эки ымыркай генетикалык жактан эки башка экени тастыкталган.

Ю.З. менен А.П. балдарды өздөрү сыяктуу эле CHA Fertility Center деп аталган клиниканын пациенттери болгон биологиялык ата-энелерине кайтарууга аргасыз болушкан. Бул окуядан соң жубайлар медициналык борборду сотко берген. Алар бир эсе кайгырткан, бир эсе кыжырды келтирген бул окуя тууралуу жакындарына айта албай жүргөндүгүн айтышкан. "Бул бизге оңбогондой эле психологиялык сокку болду", — деген алар.

Буга чейин Sputnik агенттигине Бишкектеги №1 үй-бүлөлүк медициналык борбордун гинеколог-эндокринологу Нуржамал Керимбаева аялдардын балалуу болбой калышынын бир нече себебин айтып берген.

Тема боюнча

Төрөрүнө 45 мүнөт калганда кош бойлуу экенин билип... Англиядагы окуя
Белгилер:
ата-эне, балдар, эгиз, АКШ

ЭҢ МААНИЛҮҮ